تخيل إنك تسأل الذكاء الاصطناعي سؤال واحد بس...
فيقوم يرسمك كاريكاتير كامل مبني علي شخصيتك وشغلك وطموحك!
ده بالظبط الترند اللي مكسر تيك توك وإنستجرام ويوتيوب حالياً.
وترند "شات جي بي تي يعرف عنك إيه" بقي منتشر جداً بين صناع المحتوي.
أنا جربته بنفسي... والنتيجة كانت أقوي ما توقعت.
ما هو ترند "ChatGPT يعرف عنك إيه"؟
الفكرة بسيطة جداً:
تكتب برومبت معين داخل ChatGPT
وتطلب منه يعمل لك صورة كاريكاتير مبنية علي:
- شخصيتك
- شغلك
- مهاراتك
- الأدوات اللي بتستخدمها
- البيئة اللي بتشتغل فيها
- النتائج اللي بتحاول توصلها
والذكاء الاصطناعي بيبني مشهد كامل بيعبر عنك.
الترند انتشر بسرعة لأن:
- ممتع
- شخصي جداً
- قابل للمشاركة
- سهل التطبيق
- نتائجه مبهرة
هل النتائج دقيقة فعلاً؟
الذكاء الاصطناعي مش بيقرأ أفكارك
لكنه بيعتمد علي الوصف اللي بتكتبه أو علي المعلومات اللي يعرفها عنك من خلال محادثاتك معه.
يعني:
- لو كتبت إنك مصور هيحط كاميرا
- لو كتبت إنك مبرمج هيظهر أكواد
- لو كتبت إنك صانع محتوي هيضيف منصات وسوشيال
الفكرة إنك بتدي الـ AI البيانات وهو يحولها لمشهد بصري احترافي.
وبما إنك صانع محتوي، ممكن كمان تطلع علي مقالنا عن أفضل موقع لفصل الصوت عن الموسيقي بالذكاء الاصطناعي لو حابب تعمل محتوي احترافي بجودة أعلي بدون برامج معقدة.
لماذا هذا الترند انتشر بسرعة؟
- الناس بتحب تشوف نفسها في صورة مختلفة
- عنصر المفاجأة
- سهل المشاركة علي السوشيال
- مرتبط بالذكاء الاصطناعي
- قابل لإعادة الاستخدام
وكمان الترند مناسب جداً لأي شخص خاصة لصناع المحتوي لأنك تقدر:
- تعمله فيديو
- تعمله Reel
- تعمله Short
- تعمله مقال (زي ما بعمل دلوقتي)
هل يمكن استخدامه في صناعة المحتوي؟
بكل تأكيد.
تقدر تستخدم النتيجة في:
- صورة مصغرة لليوتيوب
- بوست تعريفي
- صورة بروفايل مؤقتة
- غلاف مقال
- أو حتي فكرة فيديو
والأهم؟
ده بيخلي جمهورك يتفاعل ويسألك:
عملتها إزاي؟
ولو حابب تطور صورك أكتر وتخلي أي صورة عادية تتحول لمشهد احترافي سينمائي، اقرأ مقالنا عن تحويل الصورة ضعيفة الجودة إلي صورة سينمائية بالذكاء الاصطناعي وازاي تخلي صورك تبان كأنها متصورة بكاميرا احترافية.
هل الترند يستحق التجربة؟
بصراحة؟ آه جداً.
مش بس علشان ممتع
لكن كمان لأنه:
- بيزود التفاعل
- بيخليك مختلف
- بيخلي جمهورك يشارك تجربة
- وبيخدمك كمحتوي تريندي
النتيجة اللي حصلت عليها
أنا كصانع محتوي تقني علي تيك توك وإنستجرام ويوتيوب بتكلم عن:
- التطبيقات
- الذكاء الاصطناعي
- البرمجة
- أدوات صناعة المحتوي
فطلبت من ChatGPT يعمل لي كاريكاتير يمثل ده كله...
والنتيجة كانت:
- كاميرا تصوير
- لابتوب فيه أكواد
- أيقونات منصات
- عناصر AI حواليا
- إضاءة حديثة
- مشهد استوديو احترافي
الصراحة النتيجة كانت شبه شخصيتي فعلاً.
البرومبت الجاهز للنسخ
انسخ البرومبت ده واستخدمه داخل ChatGPT
Create a caricature of me based on my real personality and the actual jobs I do. Keep my facial features recognizable but in a friendly cartoon style. Build the scene around my daily work, skills, and roles using visual elements that represent what I really do, the tools I use, the environments I work in, and the results I aim for. Modern digital illustration, expressive, high detail, clean composition, vibrant lighting.
(اكتب هنا شغلك بالتفصيل) أناكل ما توصف نفسك أكتر النتيجة تطلع أدق.
ولو كنت بتتكلم مع شات جي بي تي من قبل كده ويعرف عن شغلك واهتماماتك فمش هتحتاج توصف نفسك.
نصائح للحصول علي أفضل نتيجة
- اكتب وصف دقيق عن نفسك
- اذكر مهاراتك بالتفصيل
- حدد نوع الإضاءة أو الستايل
- قول إنك عايزها High detail
- اطلب modern digital illustration
ولو عايز تزود الاحترافية
ضيف كلمات زي:
- cinematic lighting
- ultra detailed
- 8k
- depth of field
ولو عايز توصل لمرحلة تخلي الناس تفتكر الصورة متصورة بكاميرا حقيقية ومش ذكاء اصطناعي، اقرأ مقالنا عن برومبت يخلي الناس تفتكر الصورة متصورة مش AI وهتعرف السر اللي بيخلي الصورة واقعية جداً.
ملاحظات مهمة
- لازم يكون عندك صورة واضحة لك
- لازم توصف شغلك صح
- النتيجة بتختلف حسب دقة الوصف
الخاتمة
الذكاء الاصطناعي بقي أداة قوية جداً ومش بس للكتابة...
لكن كمان للتعبير عن شخصيتك بشكل بصري احترافي.
جرب البرومبت وشوف ChatGPT شايفك إزاي.
ولو عجبك الفكرة اكتبلي في التعليقات نتيجتك طلعت عاملة إزاي.