كيف حولت صور منتجات البيت لتصاميم احترافية باستخدام Gemini وPinterest
في الوقت الحالي أصبحت صورة المنتج أهم من المنتج نفسه، ناس كتير بتعاني من مشكلة حقيقية: عندك منتج كويس، بتصوره بالموبايل، بس النتيجة شكلها عادي وبتكون مش احسن حاجه... لأن مفيش استوديو ولا إضاءة، ولا مصور محترف، ولا ميزانية.
وده بالظبط اللي كنت بمر بيه فعلاً.
منتج موجود في البيت، صورة موبايل عادية جداً، وعايز أحولها لصورة شكلها إعلان براند كبير زي ما بشوف التصاميم الاحترافيه لمنتجات كتير علي السوشيال ميديا.
وفي نفس الوقت من غير ما أدفع جنيه، ومن غير ما أتعامل مع مصمم، ومن غير برامج معقدة.
والحل جه من دمج غير متوقع بين:
- صور حقيقية بالموبايل
- تصاميم جاهزة من Pinterest
- والذكاء الاصطناعي في Gemini
والنتيجة المبهرة؟
صورة منتج احترافية جداً كأنها متصورة في استوديو إعلانات بميزانية ضخمة.
ليه صور المنتجات بقت عنصر حاسم في البيع؟
قبل ما ندخل في الطريقة خلينا نكون صُرحاء.
دلوقتي:
- العميل بيحكم في أول 3 ثواني
- الصورة هي أول وأحياناً آخر انطباع
- صورة ضعيفة = منتج ضعيف في نظر العميل
حتي لو منتجك ممتاز.
علشان كدة:
- صفحات إنستجرام
- متاجر إلكترونية
- بائعين واتساب
كلهم محتاجين صور قوية... بس مش كلهم يقدروا يدفعوا.
المشكلة الحقيقية لأصحاب البيزنس الصغير
أغلب الناس بتواجه نفس السيناريو:
- تصوير بالموبايل في البيت
- إضاءة مش مظبوطة
- خلفية عشوائية
- شكل المنتج مش "Premium"
والبدائل؟
- مصور محترف (مكلف جداً)
- مصمم جرافيك (وقت + فلوس)
- برامج معقدة (بتحتاج فلوس ومش كل الناس بتعرفها)
هنا بقي بيجي دور الذكاء الاصطناعي.
الفكرة ببساطة: دمج الواقع بالتصميم
الفكرة اللي نفذتها بسيطة جداً:
- أصور المنتج بتاعي بالموبايل (أي منتج عندك تقدر تنفذ عليه نفس الخطوات دي)
- ألاقي تصميم احترافي جاهز لمنتج مشابه علي Pinterest
- استخدم Gemini علشان يدمج المنتج بتاعي جوه نفس التصميم
- أطلع بصورة إعلان احترافي في ثواني
الخطوة الأولي: تصوير المنتج بالموبايل
مش محتاج كاميرا غالية.
كل اللي عملته:
- تصوير المنتج في إضاءة طبيعية
- خلفية بسيطة قدر الإمكان
- صورة واضحة للمنتج بالكامل
ملحوظة مهمة:
كل ما الصورة الأصلية تكون أوضح، النتيجة النهائية هتطلع أنضف.
الخطوة الثانية: البحث الذكي في Pinterest
موقع Pinterest يعتبر كنز حقيقي لتصاميم المنتجات
الطريقة:
- أدخل Pinterest
- أبحث عن منتج مشابه
- أختار تصميم يعجبني من حيث: الإضاءة - الخلفية - الإحساس العام
مش بنقل التصميم أنا بس باستخدمه كـ مرجع بصري.
الخطوة الثالثة: السحر الحقيقي مع Gemini
هنا الجزء اللي بيقلب كل حاجة.
اللي بعملة بالظبط:
- أفتح تطبيق Gemini
- أرفع صورتين: صورة المنتج بتاعي - صورة التصميم المرجعي من Pinterest
- اكتب برومبت واحد فقط
البرومبت المستخدم (انسخه واستخدمه)
High-quality product photography with a refined visual style. Preserve the product’s original label, true dimensions, and packaging form without any changes. Place the product within an elegant, harmonious scene that reflects the same lighting, environment, color palette, and materials present in the reference image. Use natural, realistic shadows, soft luxurious lighting, and a clean, minimal composition with a premium touch. Cinematic lighting, ultra-high detail, studio-quality clarity, and refined brand aesthetics.ولتحميل النسخة الرسمية من تطبيق Gemini التطبيق اللي هتستخدمه لرفع الصور عليه ووضع البرومبت اقرأ مقالنا عن تحميل تطبيق Gemini اخر اصدار لإنشاء صور بالذكاء الاصطناعي
النتيجة إعلان احترافي في ثواني
بعد ثواني قليلة...
بيطلعلي صورة Gemini:
- نفس إحساس التصميم المرجعي
- بنفس الإضاءة
- بنفس الجو العام
- لكن بالمنتج بتاعي أنا
من غير:
- تغيير في اللوجو
- تغيير في أبعاد المنتج
- أي تشويه
ليه الطريقة دي مختلفة عن أي شرح AI تاني؟
لأنها:
- مش مجرد "تصميم بالذكاء الاصطناعي"
- دمج ذكي بين صورة حقيقية + مرجع احترافي
- النتيجة واقعية جداً ومناسبة للبيع
وده اللي بيخليها:
- تنفع للإعلانات
- تنفع لمتاجر إلكترونية
- تنفع لصفحات السوشيال ميديا
مين أكتر ناس هتستفيد من الطريقة دي؟
- أصحاب البيزنس الصغير
- بائعين إنستجرام
- Dropshippers
- مسوقين منتجات
- صناع محتوي
- أي حد عايز صورة منتج احترافيه بدون تكلفة
هل الطريقة دي آمنة؟
سؤال مهم، والإجابه نعم.
- أنت مش بتستخدم التصميم كما هو
- أنت بتستخدمه كمرجع بصري فقط
- المنتج، اللوجو، والتصميم النهائي خاصين بيك
وده نفس مفهوم:
"Reference Image" مش "Copy"
نصائح تخلي النتيجة أقرب للواقع
- أختار تصميم مرجعي قريب من شكل منتجك
- ما تستخدمش صورة موبايل مهزوزة
- خلي الخلفية بسيطة
- ما ترفعش أكتر من منتجين في نفس الصورة
لو مهتم بترندات صور الذكاء الاصطناعي اقرأ أيضا مقالتنا عن:
الخلاصة
اللي حصل هنا مش مجرد تجربة AI.
دي طريقة:
- توفر فلوس
- توفر وقت
- تديك شكل احترافي
- وتفتح باب جديد لصناع المحتوي وأصحاب البيزنس
من صورة موبايل عادية... لإعلان يستحق يتحط علي أكبر المتاجر.