في الأيام الأخيرة انتشر ترند جديد بقوة علي كل مواقع التواصل الاجتماعي مثل تيك توك، إنستجرام، ويوتيوب شورتس، وهو ترند تحويل صورتك الشخصية أو صورتك مع أي شخص بتحبه إلي رسمة بالقلم مع وجود يد رسام تمسك بالقلم وتكمل الرسم أمامك، مع توقيعك الشخصي باسمك أسفل الصورة.
الترند انتشر بشكل كبير جدا لأن النتيجة مذهلة والصورة بتظهر كأنها واقعية جدا كأن شخص حقيقي هو اللي قام برسمها... والأهم إنه بيتم عمل الصورة عن طريق الذكاء الاصطناعي في خلال ثوانٍ فقط.
عدد كبير من الأشخاص بقوا يدوروا علي البرومبت الجاهز اللي يطلع لهم نفس النتيجة علي صورهم، وفي المقال ده هشارك معكم البرومبت الكامل اللي هتستخدمه لتحويل صورتك.
في هذا المقال هتتعرف علي:
- ما هو الترند؟
- ليه انتشر؟
- مثال لصورة اتعملت علي الترند ده
- البرومبت الكامل الجاهز
- طريقة عمل صورة خطوة بخطوة
- أفضل نصائح للحصول علي نتيجة احترافية
ما هو ترند تحويل صورتك لرسمة بالقلم والتوقيع؟
الترند بشكل مختصر هو تحويل صورتك العادية أو صورتك مع أي شخص لرسمة بالقلم الجاف الأزرق أو بالقلم الحبر، مع خلفية ورقة دفتر، ووجود يد رسام حقيقية تمسك قلماً وكأنها ترسم وجهك أمامك الآن.
وفي نهاية الصورة يظهر توقيعك بخط يدوي أنيق، مما يعطي انطباع إن الصورة رسمت مخصوص لك، علي يد رسام محترف.
النتيجة بتكون مبهرة جدا، وتناسب صور البروفايل، الصور الشخصية، الريلز، وحتي بوستات الفيسبوك.
ليه الترند ده Viral؟
فيه 4 أسباب واضحة:
1- لأنه شخصي وفني
الناس بتحب تشوف نفسها علي شكل رسمة وكأن شخص رسام محترف هو اللي رسمهم.
2- نتيجة واقعية جدا
الذكاء الاصطناعي بيحافظ علي نفس ملامحك بنسبة 100% علشان كده بتطلع النتيجة كأنها رسمة حقيقية.
3- وجود التوقيع
إضافة التوقيع أسفل الصورة بتدي إحساس إن الصورة فعلا تم رسمها يدوي.
4- سهل التنفيذ
كل اللي بتحتاجة صورة + برومبت = النتيجة جاهزة.
أهم أداة تستخدمها لتنفيذ الترند
أسهل طريقة لعمل الصورة هي استخدام مولد صور ذكاء اصطناعي يسمح لك برفع صورة وإعطاء برومبت. ومن أفضل الأدوات التي يمكنك استخدامها أداة Gemini من جوجل لأنها تتميز بالسرعة والدقة.
ولو حابب تتعرف أكتر عن أداة Gemini وكيفية تحميل النسخه الرسمية للتطبيق علي هاتفك سواء اندرويد أو ايفون شوف مقالنا عن تحميل تطبيق Gemini آخر إصدار لإنشاء صور بالذكاء الاصطناعي
خطوات عمل صورتك خطوة بخطوة
1) جهز صورتك
يفضل:
- وشك واضح
- بدون فلاتر
- إضاءة طبيعية
- خلفية بسيطة
2) افتح مولد الصور
أداة Gemini
3) ارفع الصورة
اختار الصورة اللي عاوز تحولها رسمة بالقلم.
4) الصق البرومبت
سوف تجد البرومبت كامل بالأسفل قليلاً.
5) انتظر ثوانٍ للحصول علي النتيجة
هتلاحظ ظهور:
- رسمة بالقلم الجاف الأزرق
- يد رسام تمسك قلماً
- بعض التفاصيل الفنية
- توقيعك أسفل الصورة
مثال لترند تحويل صورتك لرسمة بالقلم وبالتوقيع
البرومبت الكامل للترند
ده البرومبت الأصلي اللي بيطلع النتيجة المطلوبة بالظبط، والناس بتدور عليه:
Create an ink drawing/blue Bic-pen sketch in a photographic style of the person or people, with a face or faces
identical to the reference image provided – keep every facial feature, proportion, and expression exactly the same. Use shades of blue ink with intricate details and fine lines, drawn over a notebook-style page background. Show a right hand holding a pen and an eraser near the sketch, as if the artist were still working.
“Your Name”- غير "Your Name" داخل البرومبت لاسمك الحقيقي عشان يظهر بتوقيعك.
- استخدم صورة واضحة.
- ويفضل تكون إضاءة جيده.
نصائح للحصول علي أفضل نتيجة
- استخدم صورة أمامية
- تجنب الصور المعتمة
- اختار اسم توقيع قصير
- لو الصورة فيها إضاءة قوية جدا استخدم صورة غيرها
لو عايز تشوف أفكار ترند أكتر لصور بالذكاء الاصطناعي مع البرمبتات الجاهزة للشباب والبنات شوف مقالاتنا عن:
الخاتمة
ترند "تحويل صورتك لرسمة بالقلم والتوقيع" هو واحد من أسرع الترندات اللي انتشلرت بسرعة كبيرة علي السوشيال ميديا لأنه بسيط وعملي وشكله مبهر.
دلوقتي مع البرومبت الجاهز اللي شاركته معاكم والخطوات اللي في المقال، تقدر تعمل نسختك وتشاركها علي تيك توك وإنستجرما وتلفت الانتبار فوراً.