في الأيام الأخيرة ظهر علي السوشيال ميديا في كل المواقع والمنصات تريند مختلف تماما عن المعتاد - تريند يظهر كأنه بسيط ولكن في الحقيقة هو مؤثر جدا: دمج صورتك وانت صغير مع صورتك وانت كبير في الوقت الحالي باستخدام الذكاء الاصطناعي في تطبيق Gemini AI. الفكرة انتشرت بسرعة كبيرة جدا علي إنستجرام وتيك توك، لأن الناس شافت فيها لحظة حنين حقيقية تجمع بين الماضي والحاضر في لقطة واحدة.
أداة Gemini من Google سمحت للمستخدمين إنهم يعيشوا التجربة واللحظة دي بأنفسهم بسهولة ويطلعوا بنتائج واقعية وسينمائية تخليك فعلا تحس كأنك بتقابل "نسخة الطفولة" منك.
فكرة التريند باختصار
التريند ده قائم علي مبدأ بسيط جدا لكنه عميق: "إنت في زمنين مختلفين تماما بنفس الصورة".
الصورة بتعرضك مرتين:-
- مرة كطفل صغير بيحلم بالمستقبل.
- ومرة كشخص كبير شايف الطفل اللي جواه بعد ما كبر فعلا.
في بعض الصور، بيبقي الطفل بيبص علي النسخة الكبيرة بإعجاب أو فضول، وفي صور تانية بيكونوا جنب بعض في مكان واحد كأنهم بيتقابلوا بعد سنين طويلة.
ده اللي بيخلي المشهد عميق جدا ومليان مشاعر إنسانية، لأنه بيرجعنا دايما للسؤال: "لو الزمن رجع... كنت هقول إيه لنفسي الصغيرة؟"
ليه التريند ده انتشر بالشكل الكبير ده؟
نحن الآن في عالم مليئ بالسرعة والسطحية، ولكن التريند ده بالذات لمس الناس من جوه لأنه حقيقي ومؤثر.
ليس مجرد صورة، لكنه لحظة مواجهة بين الماضي والحاضر - بين أحلام الطفولة وضغوط الحياة الواقعية، بين البراءة والتجارب، بين "كنت عايز أكبر" و"ياريتني فضلت صغير".
كمان إن الذكاء الاصطناعي دلوقتي خلاه سهل جدا لأي شخص يجربة بنفسه من غير الحاجه لفوتوشوب أو تعديل يدوي أو أي خبرة.
كل اللي عليك إنك ترفع صورتين، وتخلي Gemini يعمل الباقي.
ما هو تطبيق Gemini AI؟
Gemini أداة أو نظام الذكاء الاصطناعي من شركة جوجل واللي بيجمع بين عدة أشياء كثيرة في منصة واحدة مثل الترجمه، والتحليل، وتوليد النصوص والصور.
من خلاله تقدر تكتب وصف بسيط (برومبت)، والذكاء الاصطناعي يولد لك صورة واقعية جدا وبجودة عالية حسب طلبك.
وفي التريند ده تحديدا، الناس بتستخدم Gemini علشان يدمج صورتهم وهما صغيرين مع صورتهم الحالية وهما كبار، في لقطة واحدة متكاملة وكأنها من مشهد سينمائي، ولو عايز تعرف أكتر عن التطبيق وكيفية تحميل آخر إصدار منه الذي لا يوجد به أي مشاكل.
خطوات عمل تريند "صورتك وانت صغير وانت كبير" علي تطبيق Gemini AI
1- افتح تطبيق Gemini: سواء من الهاتف أو الكمبيوتر، ادخل علي تطبيق Gemini أو موقعه الرسمي. لو أول مرة تستخدمه، هيطلب منك تسجل بحساب Google الخاص بك.
2- اختيار أداة الصور: من الصفحة الرئيسية في التطبيق اختر ميزة "إنشاء الصور بالذكاء الاصطناعي".
3- رفع الصورتين: هتحتاج ترفعله صورتين ليك:
- صورة من طفولتك (حاول تكون الملامح واضحة).
- وصورة وانت كبير في الوقت الحالي.
4- كتابة البرومبت: انسخ البرومبت الجاهز بالظبط اللي هتلاقيه تحت الصورة في المقال.
5- انتظر النتيجة: في ثواني قليلة جدا، هتتفاجئ إن Gemini دمج الصورتين في مشهد واحد واقعي جدا - كأنك فعلا بتتفرج علي نفسك من الماضي.
مثال عملي من التجربة
البرومبت المستخدم لعمل الصورة
ملاحظة: البرومبت التالي مكتوب بلغة إندونيسية، وهي من اللغات التي يفهمها Gemini AI بدقة عالية، لذلك بفضل استخدامه كما هو للحصول علي نفس النتيجة في الصورة.
Buat dua orang tersebut seolah olah bertemu di sebuah gang perumahan jadul terdapat pohon mangga besar, buat viewnya dari samping yang menampilkan mereka berdua dari samping. buat mereka berjarak berjauhan namun melihat ke satu sama lain. buat seperti nuansa sore hari golden hour, buat mereka berdiri sejajar berhadapan dan pandangan si anak sedikit keatas melihat orang itu, dan tangan orang dewasa memegang kepala si anak itu.التحليل
بعد ما تشوف النتيجة، هتحس قد إيه الصورة بتحمل معني أكبر من مجرد دمج بين مرحلتين.
نصائح لنتيجة مثالية
- حاول تختار صورتين بنفس الاتجاه (الاتجاه اللي بتبص فيه بالكاميرا).
- خلي الإضاءة قريبة بين الصورتين.
- اختار خلفية بسيطة (زي شارع، أو ملعب، أو مكان طفولتك الحقيقي لو تقدر).
- لو الصورة فيها حركة، خليه يحاكي مشهد طبيعي مش ثابت ده يخليها سينمائية أكتر.
ممكن تضيف لمسة فنية
بعد ما Gemini يولد الصورة تقدر:
- تستخدم تطبيقات تعديل بسيطة زي Lightroom أو Snapseed لتصحيح الألوان.
- تضيف جملة مؤثرة في النص، زي:
- "كنت مستعجل أكبر... دلوقتي نفسي أرجع أعيش يوم واحد وأنا صغير".
- أو تكتب علي الصورة السنة اللي اتصورت فيها الصورة القديمة وانت صغير والصورة الحالية بطريقة فنية.
- أو تكتب POV: وانت صغير: "هكبر وأحقق كل أحلامي". وانت كبير: "مكنتش عارف إن الطريق هيكون صعب كده... بس ماوقفتش".
- أو تكتب POV: وانت صغير: "نفسي أبقي زيك لما أكبر". وانت كبير: "وأنا كنت مستني اللحظة دي عشان أقولك فخور بيك".
ليه الناس حبت التجربة دي؟
لأنها مش مجرد صورة حلوة وبس لكنها بتخلي كل شخص يسرح مع نفسه ويعيش لحظة تأمل لأول مرة يحس بيها.
الذكاء الاصطناعي هنا مش بيقلد الفن، لكنه بيساعدك تفتكر وتشوف نفسك من منظور الزمن.
الناس بتحب تحس إن الصورة ليها معني، وإنها بتحكي قصة وده بالظبط اللي عمله التريند ده.
ناس كتير بدأت تضيف نصوص أو صوتيات مؤثرة مع الصورة وتنشرها كفيديوهات قصيرة، والنتائج كانت مذهلة من حيث التفاعل والمشاهدات.
كيف تستفيد من التريند كمحتوي؟
لو عندك حسابات علي إنستجرام أو تيك توك، تقدر تزود التفاعل عندك لما تحول الصورة لفيديو قصير:
- استخدم موسيقي حزينة أو صوت "childhood memories".
- اعمل انتقال بسيط بين صورتك وانت صغير وصورتك بعد الدمج.
- أضف جمل قصيرة في النص,
- أو اكتب في الكابشن حاجة مؤثرة زي: "بين الطفل اللي كنت عليه، والراجل اللي بقيت عليه... في حكاية طويلة تستحق تتقال".
ده النوع من المحتوي اللي بيكسب ثقة الجمهور ويخلق تفاعل حقيقي لأن الناس بتشوف فيه مشاعر مش مجرد صور.
برومبتات صور مذهلة يمكنك تجربتها أيضا:
الخاتمه
تريند دمج صورتك وانت صغير وانت كبير مش بس تجربة فنية. دي رحلة صغيرة في الذاكرة، بتفكرك مين كنت وإزاي وصلت لهنا.
الذكاء الاصطناعي قدر يخلق من صورتين بسيطتين مشهد مليان مشاعر وحنين، وده سر جمال التريند ده.
لو مجربتش، جرب دلوقتي في تطبيق Gemini وعيش التجربة بنفسك. وشارك صورتك علي السوشيال ميديا... يمكن تكون مصدر إلهام لغيرك.