هل تخيلت يوما ما أن يكون معك صورة لنفسك أمام الكعبه في مكه المكرمه، أو تكون واقف بجوار برج إيفل في باريس، أو تتجول وسط أجواء وأضواء التايمز سكوير في نيويورك وكل هذا من غير ما تسافر أو تنتقل من مكانك خطوة واحده؟
هذا ليس حلم بعيد ولكن كل هذ يمكن أن يكون حقيقه بفضل الذكاء الاصطناعي.
في مقالي السابق "3 صور (Nano Banana) AI" شفتوا ازاي مجرد برومبت مكتوب صح ممكن يحول أي فكرة لصورة واقعيه بشكل لا يصدق ويذهل أي حد. المرة دي قررت اخدكم في تجربه جديده، ونسافر بالخيال مع صور AI لثلاثه من أشهر الأماكن السياحيه في العالم: مكه - باريس - نيويورك.
هتشوف دلوقي الصور وكمان هتلاقي البرومبتات جاهزة عشان تقدر تجربها بنفسك علي صورتك.
ما هو البرومبت في الصور بالذكاء الاصطناعي؟
قبل ما ندخل علي الصور خليني أوضحلك بشكل سريع معني كلمة برومبت:
البرومبت هو النص اللي بتكتبه في أداة الذكاء الاصطناعي زي Gemini وغيرها علشان يحول لك هذا النص أو الوصف إلي صورة وكل لما كان هذا الوصف دقيق كلما كانت الصورة واقعيه ومذهله.
علي سبيل المثال: لو كتبت برومبت عام زي "صورة في باريس" هتطلعلك صورة عاديه لكن لو وصفت بدقه "شخص يقف أمام برج إيفل في الليل، مع إضاءة ذهبيه وخلفيه فيها ألوان رومانسيه" النتيجه هتكون مذهله وقريبه جدا لكل اللي عايزه.
وده اللي هتشوفه دلوقتي في الثلاث برومبتات اللي مجهزينهم مع بعض.
3 صور AI في أماكن سياحية
مكه المكرمه - رحله روحانيه افتراضية
مكه من الأماكن اللي ليها مكانه خاصه في قلوبنا كلنا. وصورة واقعيه أمام الكعبه وانت لابس إحرام بتكون حلم لأي مسلم. لكن مع الذكاء الاصطناعي الان يمكنك تحقيق ذلك بصور قريبه جدا من الواقع.
البرومبت
A highly realistic photo of me, wearing traditional white Ihram clothes, standing in front of the Kaaba at Masjid al-Haram in Mecca. Keep the original facial features and identity. Bright natural daylight, spiritual and peaceful atmosphere, high resolution, cinematic style, 4K.النتيجه:
صورة تجعلك تتخيل أنك تحس بروحانية المكان حتي لو لسه ما قدرتش تروح. ممكن كمان تستخدمها كذكري أو تحفيز لنفسك.
باريس - لمسه رومانسيه ساحره
برج إيفل رمز للرومانسيه والجمال. صورة هناك ممكن تبان وكأنها اتصورت من مصور أزياء عالمي.
البرومبت
Ultra realistic cinematic shot of me standing near the Eiffel Tower in Paris during golden hour. The tower should be visible in the background with soft warm lighting, glowing sky, and romantic vibes. I am wearing a stylish casual outfit, with natural shadows and glossy skin texture. Editorial photography style, 8k high resolution.النتيجه:
صورة مثاليه كأنها إعلان لمجلة سفر أو حتي بوست إنستجرام يبان إنه من تصوير محترف.
نيويورك - قلب الحداثة والمدينة
نيويورك دايما رمز للحياة العصريه والموضه. والذكاء الاصطناعي الان يقدر يخليك واقف في قلب التايمز سكوير وسط أضواء النيون.
البرومبت
A hyper-realistic photo of me standing in Times Square, New York City at night. The background full of neon lights, glowing billboards, and people walking around. I am styled in urban streetwear (hoodie, sneakers), with cinematic reflections on the wet ground. Sharp focus, high-resolution, fashion editorial style.النتيجه:
صورة مليانه تفاصيل وألوان، تبينك وكأنك عايش اللحظة وسط صخب نيويورك.
كيف تستفيد من هذة البرومبتات
أهم ميزة أن كل البرومبتات دي ليست حصريه عليا فقط أو علي شخص معين ولكن يمكن لأي شخص استخدامها علي صورته والتعديل عليها كما يشاء.
- لو عايز نفس الصورة بس بملابس مختلفه يمكنك تغير جملة الملابس فقط.
- لو عايز مثلا وقت مختلف ليل أو نهار بتغير جملة الإضاءة.
- ممكن كمان تضيف عناصر إضافية لو تحب أن الصورة تطلع بشكل سينمائي أكثر.
المختصر المفيد أنه يمكنك كتابة كل ما تفكر فيه والذكاء الاصطناعي سوف يحول كل هذا إلي صورة واقعيه.
اقرأ أيضا:
- برومبت الستارة البيضا: ترند صور Gemini Nano Banana
- 6 برومبتات مذهلة لإنشاء صور سينمائية بالذكاء الاصطناعي
الخاتمه
الذكاء الاصطناعي ليس مجرد أداه عاديه ولكن جسر يمكنه أن يجعلك تسافر بخيالك لأي مكان في العالم من غير ما تتحرك. مكه المكرمه، باريس، نيويورك... مجرد بدايه. ومع كل برومبت جديد ممكن تفتح باب لتجربه مختلفه.
جرب بنفسك دلوقتي انسح واحد من البرومبتات اللي فوق وحطة في Gemini مع صورتك وشوف النتيجه.
ولو جربت فعلا شاركني في التعليقات أو علي السوشيال ميديا... مستني أشوف إبداعاتكم.