الذكاء الاصطناعي بقي بيغير حياتنا كل يوم بشكل كبير وملحوظ، ومن أكتر المجالات اللي منتشرة في الفترة الأخيرة وهي تعتبر الحديث اليومي علي السوشيال ميديا: إنشاء الصور من النصوص (AI Image Generation).
الموضوع مش صعب زي ما أنت متخيل ولا يحتاج منك أن تكون مصمم أو لديك أي خبرة في الفتوتوشوب، دلوقتي مجرد ما بتكتب جمله أو وصف بسيط للذكاء الاصطناعي بيحولهالك لصورة مذهله بمعني الكلمه.
لكن السؤال المهم دلوقتي إيه هي أفضل الأدوات المجانيه اللي اقدر استخدمها؟
في هذا المقال هتتعرف معانا علي 5 أدوات أو مواقع وتطبيقات قويه هتخليك تطلع صور احترافيه وواقعيه من غير أي تكاليف.
ما هو مولد الصور بالذكاء الاصطناعي؟
بكل بساطه هو نظام بياخد منك النصوص أو الوصف (البرومبت) ويقوم بتحويلها إلي صور فنيه واقعيه.
أمثله علي ذلك: "شخص في مدينة مستقبليه" صورة سايبربانك. "طفل يجري علي الشاطئ" صورة واقعيه. ولو حابب تتعرف أكتر علي ما هو البرومبت وكيف تكتب بنفسك برومبت احترافي للحصول علي أفضل صورة من أداة الذكاء الاصطناعي.
أفضل 5 أدوات مجانية
1- Gemini (Google AI)
- أداة قويه جدا تم تطويرها بواسطة جوجل.
- أهم ما يميز هذة الأداة أنها مجانيه، والسرعه في توليد الصور، والتكامل مع خدمات جوجل.
- قدرتها علي الاحتفاظ بتفاصيل الصورة وملامح الشخص.
- مثال: قمت بعمل هذة الصورة بصورتي الشخصيه بواسطة الأداة "شخص يجلس علي سيارة BMW" يمكنك ملاحظة كل التفاصيل والاضاءة والخلفيه الصورة تظهر بشكل واقعي جدا وتبرز قوة أداة Google Gemini في توليد الصور.
ولو حابب تشوف أكتر أمثله لصور تم إنشائها بواسطة أداة Gemini مع البرومبتات لكل صورة جاهزة للاستخدام ويمكنك تجربتها علي صورتك.
2- MidJourney
- هذة الأداة تعتبر الأشهر عالميا في الصور السينمائية والفنيه.
- وأهم ما يميزها أن الصور تظهر واقعيه بشكل كبير وملاحظ، وتفاصيل دقيقه، ومجتمع ضخم بيشارك البرومبتات.
- ولكن من عيوبها أنها بتحتاج اشتراك بعد النسخه التجريبيه.
- مثال: "مدينة نيويورك في المستقبل" هذة الصورة قمت بإنشائها بواسطة أداة MidJourney وكما تري الصورة واقعيه بشكل كبير وأهم شئ التفاصيل دقيقه جدا.
3- Stable Diffusion
- أداة مفتوحة المصدر Free ولا تحتاج إلي اشتراك وفيه مواقع بتستخدمه.
- ومن مميزاته المرونه العاليه التي توجد فيه، بالاضافة إلي أنه يحتوي علي إضافات كتير وممكن تنزله عندك علي الجهاز بكل سهوله.
- وعيوبه أنه يحتاج فقط لخبره بسيطه في الاعدادات.
- ويعتبر مناسب جدا للناس اللي عايزين تحكم كامل في الصور.
4- Canva (AI Image Generator)
- يتوفر به موقع وتطبيق وهو مشهور جدا في تصميم الصور والقوالب... الخ. ولكن دلوقتي تم إضافة فيه ميزة توليد الصور عن طريق الذكاء الاصطناعي.
- ومن مميزاته أنه سهل جدا أي شخص يمكن أن يستخدمه بسهوله ويمكن دمج الصور مع التصميمات مباشرة (بوسترات - سوشيال ميديا).
- ولكن عيوبه أن الصور ليست واقعيه بنفس قوة Gemini و MidJourney.
- يعتبر اختيار ممتاز لصناع المحتوي اللي عايزين يطلعوا حاجه بسرعه.
5- BlueWillow
- أداة مجانيه بالكامل.
- تعتبر هذة الأداة بديل مجاني قوي لأداة MidJourney إذا كنت تحتاج أداه في نفس القوة بالظبط.
- وأهم ما يميز هذة الأداة سهولة الأستخدام وواقعيه جيده للصور ومجاني لا يحتاج إلي دفع اشتراكات.
- عيوبه أنه لسه مش مشهور زي الأدوات الكبيرة.
مقارنة بين أدوات الذكاء الاصطناعي؟
| الأداة | المميزات الأساسية | العيوب / التحديات | الأنسب لمن؟ |
|---|---|---|---|
| MidJourney | صور واقعية جدا وبجودة عالية | يحتاج اشتراك بعد النسخه التجريبية | المصممين والباحثين عن صور احترافية |
| Stable Diffusion | مجاني وتخصيص غير محدود | محتاج خبرة بسيطة | المطورين ومحترفي الجرافيك |
| Gemini (Google) | سهل وبسيط ومدمج مع منتجات جوجل | جودة الصور أقل من MidJourney | المبتدئين والباحثين عن السرعة |
| Canva AI | دمج بين الذكاء الاصطناعي والتصميم | خيارات أقل في التفاصيل الفنية | صناع المحتوى والمسوقين |
| BlueWillow | مجاني وبديل خفيف لـ MidJourney | دقة أقل من MidJourney | أي شخص عايز يجرب صور AI بدون تكلفة |
كيف تختار الأداة المناسبة لك؟
- لو عايز صور سريعه للسوشيال ميديا تختار Canva.
- لو عايز صور واقعيه مذهله بدرجه عاليه تختار MidJourney.
- لو عايز صور واقعية أقل وأداة مجانيه من جوجل تختار Gemini.
- لو عايز تحكم كامل في الصور باحتراف تختار Stable Diffusion.
- لو عايز حاجه مجانيه وسهله تختار BlueWillow.
الخاتمة
مولدات الصور بالذكاء الاصطناعي مش بس أدوات للمتعه أو لعمل ترند فترة، دي بدايه لعصر جديد من الابداع والتصميم ومع مرور الوقت سوف نري ابداع اكثر.
اختيارك للأداة الصح بيسهل عليك وبيخليك تطلع نتائج مذهله وواقعيه جدا قريبه لكل اللي في خيالك.
ابدأ جرب أداة أو اتنين من الأدوات اللي فوق، واكيد هتنبهر من النتاج اللي هتطلعها.